आज पहाडका केही ठाउँमा हल्का वर्षाको सम्भावना
काठमाण्डौ, जेठ ३ । आज पनि दिउँसोपख पहाडी भेगका केही ठाउँमा हल्का पानी पर्ने सम्भावना रहेको मौसम पूर्वानुमान महाशाखाले जनाएको छ ।
महाशाखाकाअनुसार कोशी प्रदेशका पहाडी भेगका केही ठाउँका साथै बाग्मती, गण्डकी र कर्णाली प्रदेशका पहाडी भेगका एक–दुई ठाउँमा मेघगर्जन, हुरीबतास एवम् चट्याङसहित हल्का वर्षाको सम्भावना रहेको छ ।
राति पनि कोशी, गण्डकी र कर्णाली प्रदेशका पहाडी भागका एक–दुई ठाउँमा मेघगर्जन, हुरीबतास एवम् चट्याङसहित हल्का पानी पर्न सक्ने महाशाखाले जनाएको छ । देशमा अहिले पश्चिमी र स्थानीय वायुको प्रभाव रहेको छ । सोमवारदेखि पानी पर्ने क्रम केही घटेपछि गर्मी बढेको छ ।।
