दाङको तुलसीपुरमा सर्पको टोकाईबाट एक बालक गम्भिर बिरामी
तुलसीपुर, ३२ श्रावन । दाङको तुलसीपुरमा सर्पको टोकाईबाट एक बालक गम्भिर विरामी भएका छन् । सर्पको टोकाईबाट तुलसीपुर–१७ बेल्झुण्डी निवासी होमा घर्तीका १२ वर्षीय छोरा अग्नि घर्ती गम्भिर विरामी भएको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो ।
उहाँका अनुसार आज बिहान ९ बजेको समयमा घरमै सुतिरहेको अवस्थामा बालकलाई नाम नखुलेको विषालु सर्पले टोकेको हो । उनको अहिले राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ ।।
