दाङमा बन्चरो प्रहार गरि २ महिलाको हत्या
दाङ, २९ वैशाख । दाङमा बन्चरो प्रहार गरि दुई महिलाको हत्या गरिएको छ । घोराही उपमहानगरपालिका – १० पहेलपारमा ५० बर्षीया जुतली बुढा र ४४ बर्षीया संगिता सुनारको हत्या भएको जिल्ला प्रहरी कार्यालय दाङका प्रमुख एसपी रामबहादुर केसीले जानकारी दिनुभयो । उहाँका अनुसार कोठा भाडामा बस्दै आएका उनीहरुमाथि बञ्चरो, कोदालो प्रहार गरी हत्या गरिएको छ ।
दुई महिलाको आज शनिबार दिउँसो साढे १ बजेतिर हत्या गरेको आरोपमा प्रहरीले रोल्पाका ५८ बर्षीय टेकबहादुर घर्ती पक्राउ गरेको छ । उनी पेशाले अटो चालक रहेको तथा घोराहीको चौघेरामा कोठा भाडामा बस्दै आएको भन्ने खुलेको छ । घटनाका बारेमा थप अनुसन्धान हुन बाँकी रहेको प्रहरीले जानकारी दिएको छ ।।
