0
0
तुलसीपुर, १७ जेठ । दाङको दंगीशरणमा रोजगारका प्राविधिकलाई वडाले काम नलगाउने घोषणा गरेको छ । वडा नम्बर २ मा प्राविधिकको कामकाज गर्नेगरी गाउँपालिकाले खटाएका रोजगारका प्राविधिक गणेश डाँगीलाई कुनैपनि हालतमा काम लगाउन नसकिने भन्दै वडाले अस्विकार गरेको हो । करारका कर्मचारीलाई प्राविधिकको काम गर्न नदिने भन्दै वडाअध्यक्ष डम्बर खत्रीले पुर्वाधार सम्बन्धि स्थायी कर्मचारीको माग गरेको बताउनुभयो । यसअघिका प्राविधिक विवादमा आएपछि त्यहाबाट पालिकामा फिर्ता बोलाइएको थियो । लामो समयदेखी वडा नम्बर २ मा प्राविधिक नहुदा योजनाका काम गर्ने सेवाग्राही अल्लमल्ल पर्ने गरेका छन् । वडाले बहिस्कार गरेपछि पालिकाले पठाएका रोजगारका प्राविधिक डाँगी पुनः पालिकामै फिर्ता भइसक्नुभएको छ । योजनाका काम रोकिने भएपछि अहिले आफुले सिफारिस भरी वडाबाट दिएपनि प्राविधिकको काम कस्ले गरेको छ भन्नेबारे जानकारी नभएको वडाअध्यक्ष खत्रीले बताउनुभयो । पालिकाले रोजगारका प्राविधिकलाई वडामा काम लगाउन भन्दै पत्र पठाएको भएपनि आफुले काम लगाउन नसकिने जवाफसहितको पत्र पालिकालाई पठाएको उहाँले बताउनुभयो ।
गाउँपालिकाका हाकिमको गैरजिम्मेवार जवाफ
यता दंगीशरण गाउँपालिकाका प्रमुख प्रशासकिय अधिकृत डिलाराम पाण्डेले भने यो विषयमा बोल्न आवश्यक नरहेको बताउनुभएको छ । जो प्राविधिकले भएपनि अहिले वडाका कामहरु गरिरहेको भन्दै यसमा बोल्न नमिल्ने उहाँले बताउनुभयो । वडाले काम लगाउन नसकिने भनेर पठाएको पत्रपनि आफुले नदेखेको उहाँको भनाई छ । पालिकाबाटै प्राविधिकले काम गरिरहेको उहाँले बताउनुभयो ।।
