युक्रेनी सेनाको आक्रमणबाट २२ जनाको ज्यान गयो

Read Time:1 Minute, 10 Second

काठमाडौं, २६ जेठ । युक्रेनी सेनाले रुसले कब्जा गरेको खेरसनमा आक्रमण गर्दा २२ जनाको मृत्यु भएको छ । रुसले कब्जा गरेको खेरसन क्षेत्रको सडोभोये गाउँमा एउटा पसलमा दुई पटक भएको बमबारीमा २२ जना नागरिकको मृत्यु भएको गभर्नर भ्लादिमिर साल्दोले बताउनुभएको छ । आक्रमणको समयमा पसलभित्र ग्राहक र पसलका कर्मचारीको भीड लागेको थियो ।

पहिलो हमला फ्रान्सेली हवाई बमबाट भएको र दोस्रो हमला अमेरिकी हिमर्स रकेटबाट भएको रुसी सञ्चारमाध्यमले जनाएका छन् । अमेरिका र युरोपले दिएका हतियार रुसविरुद्ध आक्रमण गर्न सक्ने अनुमति पाएपछि युक्रेन रुसविरुद्ध आक्रमक भएको छ । रुसले यो निर्णयको कडा शब्दमा विरोध गर्दै अमेरिका र युरोप नजिकैका आफ्ना मित्र देशमा क्षेप्यास्त्र तैनाथ गर्ने चेतावनी दिइसकेको छ ।।