पूर्व राज्यमन्त्री रायको हत्या

Read Time:1 Minute, 6 Second

काठमाण्डौं, ७ श्रावन । पूर्व राज्यमन्त्री रामचन्द्र रायको हत्या भएको छ । सर्लाहीको चन्द्रनगर गाउँपालिका–१ मा रहेको आफ्नै घरमा गएराति उहाँको हत्या भएको प्रहरीले जनाएको छ । नचिनेका मान्छेको समूहले धारिलो हतियार प्रयोग गरी रायको हत्या गरेको सर्लाहीका प्रहरी प्रवक्ता डिएसपी दीपक श्रेष्ठले जानकारी दिनुभयो ।

अहिले प्रहरी टोली घटनास्थल पुगेर अनुसन्धान गरिरहेको उहाँले बताउनुभयो । ८० वर्षीय राय ३० वर्षअघि राप्रपाबाट भूमिव्यवस्था राज्यमन्त्री हुनुभएको थियो । उहाँ परिवारसहित मलङ्गवा बस्ने गरे पनि बेलाबेला चन्द्रनगरमा रहेको पुरानो घरमा जाने गर्नुहुन्थ्यो । हिजो मात्रै पुरानो घर पुगेको बेला उहाँको हत्या भएको प्रहरीले जनाएको छ ।।