दाङमा खोलाले बगाएर एकजनाको मृत्यु

Read Time:1 Minute, 15 Second

तुलसीपुर, १६ श्रावन । दाङमा खोलाले बगाउदा एकजनाको मृत्यु भएको छ । मृत्यु हुनेमा तुलसीपुर–२ झारगाउँ निवासी ६७ वर्षीय तेज बहादुर भण्डारी रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो । प्रहरीका अनुसार शान्तिनगर–४ गिदनियामा रहेको आफन्तको घरमा गएर फर्कीने क्रममा चिराघाट खोला तर्दै गर्दा आज दिउँसो १२ बजेको समयमा चिराघाट खोलाले मृतक तेज बहादुर र उहाँकै भाई ६४ वर्षीय चेत बहादुर भण्डारीलाई सँगै बगाएको थियो ।

चेत बहादुर भने पौडी खेलर बाहिर निस्कन सफल भएपनि तेज बहादुरलाई खोलाले बगाएर १ किलोमिटर तल पुर्याएको प्रहरीले जनाएको छ । खोलाले बगाइरहेको स्थानियले देखेपछी बाहिर निकाल्दा मृत्यु भइसकेको प्रहरीले जनाएको छ ।।