दाङको तुलसीपुरमा मोटरसाइकल दुर्घटना हुँदा एकजनाको मृत्यु, दुईजना घाइते

Views: 1000 24
0 0
Read Time:1 Minute, 59 Second

तुलसीपुर, मंसिर २३-  दाङको तुलसीपुरमा ३ जना चडेको मोटरसाइकल दुर्घटना हुँदा एकजनाको मृत्यु भएको छ भने २ जना घाइते भएका छन् । मृत्यु हुनेमा तुलसीपुर उपमहानगरपालिका–३ खमारीका १६ बर्षीय दिपेन्द्र वली रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो । प्रहरीका अनुसार तुलसीपुर–४ खाद्रे बनहरीबाट तुलसीपुरतर्फ आउदै गरेको लु.प्र.०२–००१ प १७१७ नम्बरको मोटरसाइकल आज दिउँसो सवा २ बजेको समयमा तुलसीपुर–४ ठुला खाली नजिकै आफै अनियन्त्रित भएर रुखमा ठोक्किदा दुर्घटना भएको हो । मोटरसाइकल सडक देखि ५ मिटर तल खसेर दुर्घटना हुदा चालकसहित ३ जना घाइते भएका थिए ।

घाइते मध्य दिपेन्द्र वलीको राप्ती प्रादेशिक अस्पताल तुलसीपुरमा उपचारकै क्रममा सवा ३ बजेको समयमा मृत्यु भएको हो । दुर्घटनामा परी घाइते भएका मोटरसाइकल चालक तुलसीपुर–४ कल्लेखोलाका १७ वर्षीय गणेश खड्का र मोटरसाइकलमा पछाडी सवार तुलसीपुर–४ घोरनेटीका १८ वर्षीय सन्दिप वलीको अहिले उपचार भइरहेको छ । गम्भिर घाइते सन्दिपलाई थप उपचारका लागी राप्ती लाइफ केयर हस्पिटलमा रिफर गरिएको छ भने अर्का सामान्य घाइते भएका चालक खड्काको अहिले प्रादेशिक अस्पतालमा उपचार भइरहेको छ । मोटरसाइकलमा चालक सहित तीन जना सवार रहेकाले अनियन्त्रित भएर दुर्घटना भएको हो ।।

Happy
Happy
0 %
Sad
Sad
100 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *