दाङमा ट्रकले ठक्कर दिदाँ मोटरसाइकल चालकको मृत्यु

Read Time:1 Minute, 15 Second

तुलसीपुर, पौष ९ । दाङमा ट्रकको ठक्करबाट मोटरसाइकल चालकको मृत्यु भएको छ । मृत्यु हुनेमा लमही नगरपालिका–४ भरिपुर निवासी २६ बर्षीय गणेश चौधरी रहेको जिल्ला प्रहरी कार्यालय दाङका प्रबक्ता तथा डीएसपी इश्वर थापाले जानकारी दिनुभयो । प्रहरीका अनुसार पुर्व–पश्चिम राजमार्ग अन्र्तगत लमही नगरपालिका–७ पदमिनि खोला नजिकै लु १ ख ९३५२ नम्बरको ट्रकले सोही दिशातर्फ जादै गरेको लु.प्र. ०१–००२ प ११४८ नम्बरको मोटरसाइकललाई गएराती साढे ८ बजेको समयमा ठक्कर दिदा दुर्घटना भएको हो ।

दुर्घटनामा परी गम्भिर घाइते भएका चौधरीको लमही अस्पतालमा उपचारकै क्रममा राती सवा ९ बजे मृत्यु भएको प्रहरीले जनाएको छ । ट्रक चालक रुपन्देहीको स्यारी गाउँपालिका–४ का २९ बर्षीय जितेन्द्र राजभरलाई नियन्त्रणमा लिएर घटनाबारे अनुसन्धान भइरहेको प्रहरीले जनाएको छ ।।