दाङको तुलसीपुरमा गुडिरहेको मोटरसाइकलबाट खसेर एक महिला घाइते
तुलसीपुर, ४ श्रावन । दाङको तुलसीपुरमा गुडिरहेको मोटरसाइकलबाट खसेर एक महिला घाइते भएको प्रहरीले जनाएको छ । घाइते हुनेमा तुलसीपुर–६ निवासी ४५ वर्षीया हिमा कुमारी महतरा रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो ।
उहाँका अनुसार तुलसीपुर–६ स्याउली बजारदेखी तुलसीपुरतर्फ आउदै गरेका रा ७ प ७८२ नम्बरको मोटरसाइकलमा पछाडी सवार रहेकी महतरा स्याउली बजार नजिकै आज बिहान मोटरसाइकलबाट आफै खस्नुभएको हो । उहाँलाई राप्ती प्रादेशिक अस्पताल तुलसीपुरमा सामान्य उपचारपछी थप उपचारका लागी नेपालगञ्ज रिफर गरिएको मोटरसाइकल नियन्त्रणमा लिएको प्रहरीले जनाएको छ ।।
