0
0
तुलसीपुर, १५ बैशाख । दाङको तुलसीपुरमा रहेको तुल्सी बाल अस्पतालमा एक शिशुको उपचारकै क्रममा मृत्यु भएपछी आफन्तहरु आक्रोसित भएका छन् । सल्यानको कालिमाटी गाउँपालिका–२ का डिल्ली बहादुर वलीको ५३ दिनको छोरा आयुष वलीको उपचारकै क्रममा हिजो शुक्रबार बेलुका साढे ६ बजेको समयमा मृत्यु भएपछी मृतकका आफन्तहरुले अस्पतालमा अवरोध गरेका हुन् ।
शिशुको मृत्यु पश्चात अस्पतालमा अवरोध हुन थालेपछी हिजो साँझ साढे ७ बजेको समयमा उपचारमा संलग्न डाक्टर र मृतकका अभिभावकलाई इप्रकामा लगेर छलफल गराएपनि सहमती हुन नसकेको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्लले जानकारी दिनुभयो । आफन्तहरु आक्रोसित भएकाले आज फेरी अबको केही बेरमा दुबै पक्षबिच छलफल हुने प्रहरीले जनाएको छ ।शिशुको दिमाग, ब्लड र मुटुमा इन्फेक्सन भएकाले उपचारको लागी तुलसीपुर–५ नामीनगरमा रहेको तुलसी बाल अस्पतालमा लगिएको थियो ।।
